Browse songs by

yahii aarazuu thii dil kii ki qariib yaar hotaa

Back to: main index
View: Plain Text, हिंदी Unicode, image

yahii aarazuu thii dil kii ki qariib yaar hotaa
aur hazaar jaa.N se qurabaa.N mai.n hazaar baar hotaa

na sahii agar nahii.n thaa but-e-bevafaa pe qaabuu
yahii bas thaa mere bas me.n dil-e-beqaraar hotaa

jo pilaanaa thaa pilaataa ko_ii aisii may ai saaqii
jise pii ke taab mahashar na mai.n hoshiyaar hotaa

har ek aafato.n kaa karataa mai.n Kushii se Kair-maqadam
mai.n alam ko bhuul jaataa jo tuu Gamagusaar hotaa

tujhe lutf-e-diid milataa mujhe lutf-e-marg qaatil
mai.n hameshaa marataa rahataa ko_ii aisaa vaar karataa

Comments/Credits:

			 % Credits: This lyrics were printed in Listeners' Bulletin Vol #21 under Geetanjali #11
%	sent by Ateeq Ahmed Siddiqi, Hyderabad
		     
View: Plain Text, हिंदी Unicode, image