yaa rab Gam-e-hijraa.N me.n itanaa to kiyaa hotaa
jo haath jigar par hai wo dast-e-du_aa hotaa

ik ishq kaa Gam aafat aur us pe je dil aafat
yaa Gam naa diyaa hotaa yaa dil na diyaa hotaa

naakaam-e-tamannaa-dil is soch me.n rahataa hai
yuu.N hotaa to kyaa hotaa yuu.N na hotaa to kyaa hotaa

ummiid to ba.ndh jaatii taskiin to ho jaatii
vaadaa na wafaa karate waadaa to kiyaa hotaa

Gairo.n se kahaa tumnae Gairo.n se sunaa tumane
kuchh hamase kahaa hotaa kuchh hamase sunaa hotaa