tabiiyat in dino.n begaanaa-e-Gam hotii jaatii hai
mere hisse kii goyaa har Kushii kam hotii jaatii hai

qayaamat kyaa ye ai husn-e-do_aalam hotii jaatii hai
ke mahafil to wahii hai dilakashii kam hotii jaatii hai

wahii hai.n saahil-o-saaqii magar dil bujhataa jaataa hai
wahii hai shamma-e-dil roshanii kam hotii jaatii hai

wahii mayaKaana-o-rahabaa.N wahii shiishaa wahii saaGar
magar aawaaz-e-naushaanosh maddham hotii jaatii hai

wahii hai zi.ndagii lekin 'jigar' ye haal hai apanaa
ke jaise zi.ndagii se zi.ndagii kam hotii jaatii hai