shaharo.n shaharo.n aaj hai tanhaa, dil par gaharaa daaG liye
galiyo.n galiyo.n ho gaye rusavaa, dil par gaharaa daaG liye

aaj gulistaa.N me.n failii hai khushaboo terii yaado.n kii
mausam-e-gul hai ham hai.n tanhaa, dil par gaharaa daaG liye

rote-dhote jii ko jalaate, ma.nzil-e-shab tak aa pahu.Nche
chehare par hai gad.r-e-tamannaa, dil par gaharaa daaG liye

Dhuu.NDhane unako shahar-e-butaa.N me.n aaj gaye the ham bhii 'adiib'
aa.Nkh me.n lekar Gam kaa dariyaa, dil par gaharaa daaG liye