ruudaad-e-mohabbat kyaa kahiye kuchh yaad rahii kuchh bhuul gaye
do din kii masarrat kyaa kahiye kuchh yaad rahii kuchh bhuul gaye

jab jaam diyaa thaa saaqii ne jab daur chalaa thaa mahafil me.n
wo hosh ke saathii kyaa kahiye kuchh yaad rahii kuchh bhuul gaye

ehasaas ke mayakhaane me.n kahaa.N ab fiqr-o-nazar kii ka.ndiile.n
aalaam kii shiddat kyaa kahiye kuchh yaad rahii kuchh bhuul gaye

ab apanii haqiiqat bhii 'saagar' bewaqt kahaanii lagatii hai
duniyaa kii haqiiqat kyaa kahiye kuchh yaad rahii kuchh bhuul gaye