Browse songs by

raato.n ke saaye ghane jab bojh dil par bane

Back to: main index
View: Plain Text, हिंदी Unicode, image

(raato.n ke saaye ghane jab bojh dil par bane
na to jale baatii na ho koii saathii - 2
phir bhii na Dar agar bujhe.n diye
sahar to hai tere liye) - 2

(jab bhii mujhe kabhii koii jo Gam ghere
lagataa hai ho.nge nahii.n sapane yah puure mere) - 2
kahataa hai dil mujhako maanaa hai.n Gam tujhako
phir bhii na Dar agar bujhe.n diye
sahar to hai tere liye

(jab na chaman khile meraa bahaaro.n me.n
jab Duubane mai.n laguu.N raato.n kii majadhaaro.n me.n) - 2
maayuus man Dole par yah gagan bole
phir bhii na Dar agar bujhe.n diye
sahar to hai tere liye

(jab zindagii kisii tarah bahalatii nahii.n
khaamoshiyo.n se bharii jab raat Dhalatii nahii.n) - 2
tab muskuraauu.N mai.n yah giit gaauu.N mai.n
phir bhii na Dar agar bujhe.n diye
sahar to hai tere liye

raato.n ke saaye ghane jab bojh dil par bane
na to jale.n baatii na ho koii saathii - 2
phir bhii na Dar agar bujhe.n diye
sahar to hai tere liye

Comments/Credits:

			 % Transliterator: Suneeta Donepudi 
% Editor: Rajiv Shridhar 
% Date: 03/30/1997
View: Plain Text, हिंदी Unicode, image