raakhii ke din waadaa karo, waadaa nibhaa_oge
apanii pyaarii bahanaa kii, laaj bachaa_oge

bhaa_ii kaa bachapan maa.N ko mile, patni ko jawaanii
bahanaa kii qismat hai, bidaa_ii kii kahaanii
ashqo.n kii kahaanii me.n tum Kushiyaa.N milaa_oge
bahan ko lagaa ke gale ha.Nsoge, ha.Nsaa_oge

raakhii ke har taar me.n to bahanaa kaa pyaar hai
bahanaa ke pyaar me.n har bhaa_ii kii raftaar hai
duniyaa kii ye riit bhaiyaa kaise to.D paa_oge
saawan kaa din jab aayegaa khi.nche chale aa_oge