raahii naye-naye rastaa nayaa-nayaa
tum naa badalii.n mai.n naa badalaa sab-kuchh badal gayaa
raahii naye-naye ...

yaad suhaanii bachapan kii patthar pe khi.nchii rekhaa
pahalaa-pahalaa pyaar dilo.n se miTate nahii.n dekhaa
tuufaan samay ke bujhaa na sake diip jalaa to jalaa
tum naa badalii.n ...

vaqt ke saath badal jaa_e use pyaar nahii.n kahate
jo har mo.D pe mu.D jaa_e use yaar nahii.n kahate
yaar vahii jo saathii ban kar dukh me.n saath chalaa -2
tum naa badalii.n ...