kisase puuchhe.n hamane kahaa.N cheharaa-e-roshan dekhaa hai
mahafil-mahafil Dhuu.NDh chuke hai.n gulashan-gulashan dekhaa hai

kisako dekhe.n kisako na dekhe.n phuul bhii hai.n kaliyaa.N bhii magar
jisase lagaa_ii aa.Nkh usii ko dil kaa dushman dekhaa hai

ra.ng-e-bahaar-e-subah-e-gulistaa.N kyaa dekhe wo diiwaanaa
jisakii nazar ne ek hii gul me.n saaraa gulashan dekhaa hai

ahal-e-wafaa kii Kuun kii chhiiTe.n duur tak u.D kar jaatii hai.n
meraa ta.Dapanaa dekhane waale apanaa bhii daaman dekhaa hai

aaj unhe.n jo chaahe samajh lo waranaa yahii 'taskii.n" hai jinhe.n
kal tak hamane kuu-e-butaa me.n kaaq-ba-daaman dekhaa hai