%prelude
chand kaliyaa.N nishaat kii chun kar
muddato.n mahav-e-yaas rahataa huu.N
teraa milanaa Kushii kii baat sahii
tujhase mil kar udaas rahataa huu.N

dil me.n ik lahar sii uThii hai abhii
ko_ii taazaa hawaa chalii hai abhii

shor barapaa hai Kaanaa-e-dil me.n
ko_ii diiwaar sii girii hai abhii

kuchh to naazuk mizaaj hai.n ham bhii
aur ye choT bhii na_ii hai abhii

so ga_e log us havelii ke
ek khi.Dakii magar khulii hai abhii

% the following were not in the version I heard

yaad ke be-nishaa.N jaziiro.n se
terii aawaaz aa rahii hai abhii

shahar kii be-charaaG galiyo.n me.n
zi.ndagii tujhako Dhuu.NDhatii hai abhii

bharii duniyaa me.n dil nahii.n lagataa
jaane kis chiiz kii kamii.n hai abhii

vaqt achchhaa bhii aayegaa 'naasir'
Gam na kar zi.ndagii pa.Dii hai abhii