apanii hastii kaa asar Kushanumaayaa ho jaaye
aadamii kasarat-e-anawaar se hairaa.N ho jaaye

tum jo chaaho to mere dard kaa darmaa.N ho jaaye
varanaa mushqil hai ke mushqil merii aasaa.N ho jaaye

dene waale tujhe denaa hai to itanaa de de
ke mujhe shikawaa-e-kotaahii-e-daamaa.N ho jaaye

o namak-Khwaar tujhe apanii mataahat kii qasam
baat to tab hai ke har zaKm namak saa ho jaaye

tuu to ikaraar-e-haqiiqat kahii.n zaahir kar de
abhii de do rasan-o-daar kaa saamaa.N ho jaaye