ab ke ham bichha.De to shaayad kabhii Kaabo.n me.n mile.n
jis tarah suukhe huye phuul kitaabo.n me.n mile.n

Dhuu.NDh uja.De huye logo.n me.n wafaa ke motii
ye Kazaane tujhe mumkin hai Karaabo.n me.n mile.n

tuu Kudaa hai na meraa ishq farishto.n jaisaa
dono.n insaa.N hai.n to kyuu.N itane hijaabo.n me.n mile.n

Gam-e-duniyaa bhii Gam-e-yaar me.n shaamil kar lo
nashaa ba.Dhataa hai sharaabe.n jo sharaabo.n me.n mile.n

ab na wo mai.n huu.N na wo tuu hai na wo maazii hai 'faraaz'
jaise do saaye tamannaa ke saraabo.n me.n mile.n