ulTii ho ga_ii.n sab tadabiire.n kuchh na dawaa ne kaam kiyaa
dekhaa is biimaarii-e-dil ne aaKir kaam tamaam kiyaa

ahad-e-jawaanii ro ro kaaTaa piirii me.n lii.n aa.Nkhe.n muu.Nd
yaanii raat bahut the jaage subah hu_ii aaraam kiyaa

yaa.N ke safed-o-syaah me.n hamako daKl jo hai so itanaa hai
raat ko ro ro subaho kiyaa aur subaho ko jyo.n tyo.n shaam kiyaa

'miir' ke diin-o-mazahab ko ab puuchhate kyaa ho unane to
kashqaa khe.nchaa dair me.n baiThaa kabakaa tark islaam kiyaa