tujhe kasam hai rukanaa nahii.n
kisii ke aage jhukanaa nahii.n
jo kal karanaa hai aaj kare.n
ye ja.ng agar la.Danii hai to aa_o mil ke aagaaz kare.n
aagaaz kare.n aagaaz kare.n aa_o mil ke aagaaz kare.n
aagaaz

khaamosh zubaa.n bojhal aa.Nkhe.n
mushkil me.n jaa.n sahamii saa.Nse.n
saare chehare hai.n Dare Dare
zi.ndaa hai.n lekin mare mare
aise gahare sannaaTe me.n
uu.Nchii apanii aavaaz kare.n
vo kaun hai jo aagaaz kare
aa_o mil ke aagaaz ...

jo bhii.D me.n tanhaa chalataa hai
sabase aage vo nikalataa hai
jo ka.Dii dhuup me.n jalataa hai
vo Tha.nDii chhaa.Nv me.n palataa hai
jo hotaa sachchaa abhimaanii
vo detaa hai har qurabaanii
ye duniyaa us pe naaz kare
jo ba.Dhakar aage aagaaz kare
aa_o mil ke aagaaz ...

ek akelii mauj sama.ndar se kaise Takaraa_egii
chaTTaano.n se Takaraa ke aa.Ndhii vaapas aa jaa_egii
ham mil ke saath chale.nge to sailaab nayaa ik laa_e.nge
is aasamaa.n ko jhukaa_e.nge
ik saath chalo paravaaz kare.n
aa_o mil ke aagaaz ...