Browse songs by

suramaii raat hai ... ab teraa i.ntezaar kaun kare

Back to: main index
View: Plain Text, हिंदी Unicode, image

suramaii raat hai sitaare hai.n
aaj dono.n jahaa.N hamaare hai.n

subah kaa i.ntezaar kaun kare - 2

phir yah rut yah samaa mile na mile
aarzuu kaa chaman khile na khile
vaqt kaa aitabaar kaun kare
subah kaa i.ntezaar kaun kare

le bhii lo ham ko apanii baaho.n me.n
ruuh bechain hai nigaaho.n me.n
iltejaa baar baar kaun kare
subah kaa i.ntezaar kaun kare

% Talat version
na_ii raat Dhalatii jaatii hai
ruuh Gam se pighalatii jaatii hai

terii zulfo.n se pyaar kaun kare
ab teraa i.ntazaar kaun kare

tum ko apanaa banaa ke dekh liyaa
ek baar aazamaa ke dekh liyaa
baar baar aitabaar kaun kare
ab teraa i.ntazaar ...

ai dil-e-zaar soGavaar na ho
unakii chaahat me.n beqaraar na ho
haay, badanasiibo.n se pyaar kaun kare
ab teraa i.ntazaar ...

Comments/Credits:

			 % Transliterator: Rajiv Shridhar 
% Date: 1/10/1997
		     
View: Plain Text, हिंदी Unicode, image