shaayad mai.n zi.ndagii kii sahar leke aa gayaa - - Jagjit Singh
- Movie: non-Film
- Singer(s): Jagjit Singh
- Music Director: Jagjit Singh
- Lyricist: Sudarshan Faakir
- Actors/Actresses:
- Year/Decade: unknown
View: Plain Text, हिंदी Unicode, image
shaayad mai.n zi.ndagii kii sahar leke aa gayaa
kaatil ko aaj apane hii ghar leke aa gayaa
taa-umr Dhuu.NDhataa rahaa ma.nzil mai.n ishq kii
a.njaam ye ki gard-e-safar leke aa gayaa
nashtar hai mere haath me.n, ka.ndho.n pe mayaqadaa
lo mai.n ilaaj-e-dard-e-jiGar leke aa gayaa
"faakir" sanamakade me.n na aataa mai.n lauTakar
ik zaKm bhar gayaa thaa idhar leke aa gayaa
Comments/Credits:
% Transliterator: Rajiv Shridhar% Date: 11/03/1996