raadhaa raanii na ja_iyo re jamanaa ke tiir
gagarii ke badale do nayano.n me.n bhar laa_egii niir
raadhaa raanii na ja_iyo ...

yah terii naadaan umariyaa sarakii jaa_e sar se chunariyaa
soch samanjh kuchh to baavariyaa
prem nagar kii kaThin Dagariyaa komal teraa shariir
raadhaa raanii na ja_iyo ...

dekh rahii hai.n terii sakhiyaa.n laaj kii maarii terii akhiyaa.n
ban ga_ii.n tere prem kii patiyaa.n
tuune kaahe man me.n lagaa_ii mohan kii tasviir
raadhaa raanii na ja_iyo ...

log ye kahanaa aam kare.nge naam teraa badanaam kare.nge
doSh ye tere naam kare.nge
apane man me.n priiti chhupaa le apane man kii priit
raadhaa raanii na ja_iyo ...