pattaa pattaa buuTaa buuTaa haal hamaaraa jaane hai
jaane na jaane gul hii na jaane baaG to saaraa jaane hai

chaaraagarii biimaarii-e-dil kii rasm-e-shahar-e-husn nahii.n
waranaa dilabar-e-naadaa.N bhii is dard kaa chaaraa jaane hai

mehar-o-wafaa-o-lutf-o-inaayat ek se waaqif iname.n nahii.n
aur to sab kuchh ta.nz-o-kinaayaa ramz-o-ishaaraa jaane hai

% the following were not in the version I heard

kyaa kyaa fitne sar par usake laataa hai maashuuq apanaa
jis be-dil be-taab-o-tuwaa.N ko ishq kaa maaraa jaane hai

aashiq saa to saadaa ko_ii aur na hogaa duniyaa me.n
jii ke ziyaa ko ishq me.n unake apanaa waaraa jaane hai

aashiq to murdaa hai hameshaa jii uThataa hai dekhate hii
yaar ke aa jaane ko yaqaayaq umr dobaaraa jaane hai

lagane naa de.n bas ho to usake gauhar-e-gosh ko baale tak
usako falaq ?? kaa taaraa jaane hai

aage us munakir ke ham Kudaa Kudaa kyaa karate
kab maujuud Kudaa ko wo mafruur Kudaaraa jaane hai

kyaa ho shikaar farebii par magaruur hai wo sayyaad bachchaa
taa_ir u.Date hawaa me.n saare apanii usaaraa jaane hai

tashnaa Kuu.N hai apanaa kitanaa 'miir' bhii kitanaa talKiikash
dumadaar aab-e-teG ko unake aap gawaaraa jaane hai