Browse songs by

mai.n zi.ndagii kaa saath nibhaataa chalaa gayaa

Back to: main index
View: Plain Text, हिंदी Unicode, image

mai.n zi.ndagii kaa saath nibhaataa chalaa gayaa
har fikr ko dhu.Ne.n me.n u.Daataa chalaa gayaa

barabaadiyo.n kaa soG manaanaa fizuul thaa - 2
barabaadiyo.n kaa jashn manaataa chalaa gayaa
mai.n zi.ndagii...

jo mil gayaa usii ko muqaddar samajh liyaa - 2
jo kho gayaa mai.n usako bhulaataa chalaa gayaa
mai.n zi.ndagii...

Gam aur khushii me.n fark na mahasuus ho jahaa.N - 2
mai.n dil ko us muqaam pe laataa chalaa gayaa
mai.n zi.ndagii...

Comments/Credits:

			 % Credits: C. S. Sudarshana Bhat (cesaa129@utacnvx.uta.edu)
% Editor: Anurag Shankar (anurag@astro.indiana.edu)
		     
View: Plain Text, हिंदी Unicode, image