kabhii kabhii mere dil me.n khayaal aataa hai.n
- Movie: Kabhi Kabhi
- Singer(s): Lata Mangeshkar, Mukesh
- Music Director: Khaiyyam
- Lyricist: Sahir Ludhianvi
- Actors/Actresses: Shashi Kapoor, Amitabh Bachchan, Rakhi, Neetu Singh, Rishi Kapoor
- Year/Decade: 1976, 1970s
View: Plain Text, हिंदी Unicode,
imagekabhii kabhii mere dil me.n, Kayaal aataa hai
ke jaise tujhako banaayaa gayaa hai mere liye
tuu abase pahale sitaaro.n me.n bas rahii thii kahii.n
tujhe zamii.n pe bulaayaa gayaa hai mere liye
kabhii kabhii mere dil me.n, Kayaal aataa hai
kabhii kabhii mere dil me.n, Kayaal aataa hai
ke ye badan ye nigaahe.n merii amaanat hai.n
ye gesuo.n kii ghanii chhaa.Nv hai.n merii Kaatir
ye ho.nTh aur ye baahe.n merii amaanat hai.n
kabhii kabhii mere dil me.n, Kayaal aataa hai
kabhii kabhii mere dil me.n, Kayaal aataa hai
ke jaise tuu mujhe chaahegii umra bhar yuu.Nhii
uThegii merii taraf pyaar kii nazar yuu.Nhii
mai.n jaanataa huu.N ke tuu Gair hai magar yuu.Nhii
kabhii kabhii mere dil me.n, Kayaal aataa hai
kabhii kabhii mere dil me.n, Kayaal aataa hai
ke jaise bajatii hai.n shahanaaiyaa.n sii raaho.n me.n
suhaag raat hai ghuu.NghaT uThaa rahaa huu.N mai.n (2)
simaT rahii hai tuu sharamaa ke merii baaho.n me.n
kabhii kabhii mere dil me.n, Kayaal aataa hai
Comments/Credits:
% Credits: Rajat Bhatnagar (rbhatnag@uokmax.ecn.uoknor.edu) % Chetan K. Vinchhi (vinchhi@eng.umd.edu) % posted by nasir (noor@muug.mb.ca) % Preetham Gopalaswamy (preetham@src.umd.edu) % Editor: Anurag Shankar (anurag@astro.indiana.edu)
image