ishq me.n kyaa bataaye.n ki dono - - Anup Jalota
- Movie: non-Film
- Singer(s): Anup Jalota
- Music Director:
- Lyricist:
- Actors/Actresses:
- Year/Decade: unknown
View: Plain Text, हिंदी Unicode, image
ishq me.n kyaa bataaye.n ki dono
kis qadar choT khaaye hu_e hai.n
maut ne unako maaraa hai aur ham
zi.ndagii ke sataaye hu_e hai.n
ai lahad apanii miTTii se kah de
daag lagane na paaye qafan ko
aaj hii hamane badale hai.n kapa.De
aaj hii ham nahaaye hu_e hai.n
usane shaadii kaa joDaa pahan kar
sirf chuumaa thaa mere badan ko
bas usii din se jannat me.n hure.n
mujhako duulhaa banaaye hu_e hai.n
ab hame.n to fakat ek aisii
chalatii firatii huii laash kahiye
jin kii maiyat me.n had hai ke ham Kud
apanaa ka.ndhaa lagaaye hu_e hai.n
dekh saaqii tere mayakade kaa
kitanaa pahu.Nchaa huaa rind hu.n mai.n
jitane aaye hai.n maiyat me.n merii
sab ke sab hii lagaaye hu_e hai.n
Comments/Credits:
% Transliterator: Vijay Kumar