Gazab kiyaa tere waade pe aitabaar kiyaa
tamaam raat qayaamat ka i.ntazaar kiyaa

ham aise mahav-e-nazaaraa na the jo hosh aataa
magar tumhaare taGaaful ne hoshiyaar kiyaa

tujhe to waadaa-e-diidaar hamase karanaa thaa
ye kyaa kiyaa ke jahaa.N ko ummiidavaar kiyaa

ye dil ko taab kahaa.N hai ke ho maan andesh
unho.n ne waadaa kiyaa hamane aitabaar kiyaa

na puuchh dil kii haqiiqat magar ye kahate hai.n
wo beqaraar rahe jisane beqaraar kiyaa