Gam nahii.n jo tan se nikal dil gayaa
mil gaye tum mujhako sab kuchh mil gayaa

daaG-e-Gam roz-e-azal hii mil gayaa
tan me.n jaa.N aane se pahale dil gayaa

ai nigaah-e-yaas teraa ho buraa
ghar talak rotaa hu_aa qaatil gayaa

marahale tay ku.nj-e-uzlat me.n kiye
baiThe baiThe saika.Do.n ma.nzil gayaa

aa_ii jab saharaa me.n Kush-chashmo.n kii yaad
saamane naragis kaa taKtaa khil gayaa

vaa-e-qismat Gaafil aayaa mai.n 'amiir'
umr bhar Gaafil rahaa Gaafil gayaa