Gairo.n se ab sunaa karo naGme.n bahaar ke
ham to chale mataa-e-dil-o-jaan haar ke

baad-e-sahar ne jab tere aane kii dii naviid
murjhaaye phuul khil uThe mere mazaar ke

aksar usii pe jaa ke girii bark-e-be-amaa.N
turaGe bula.nd ho gaye jis shaaKasaar ke

jalane ko dil to de diyaa dil ko zabaa.N na dii
dekhe hai.n hamane hausale parawaradigaar ke

suuraj kii dhuup bhii inhe.n shaayad hii dho sake
jo haashiye ufaq pe hai.n dard-o-Gubaar ke