dil hii to hai na sa.ng-o-Kiisht dard se bhar na aaye kyuu.N
roye.nge ham hazaar baar ko_ii hame.n sataaye kyuu.N

dair nahii.n haram nahii.n dar nahii.n aastaa.N nahii.n
baiThe hai.n rahaguzar pe ham gair hame.n uThaaye kyuu.N

qaid-e-hayaat-o-band-e-Gam asl me.n dono.n ek hai.n
maut se pahale aadamii Gam se najaat paaye kyuu.N

'Gaalib"-e-Kastaa ke baGair kaun se kaam band hai.n
ro_iye zaar-zaar kyaa kiijiye haay-haay kyuu.N