dekhanaa unakaa kanakhiyo.n se idhar dekhaa kiye
- Movie: Kehna Usey (Non-Film)
- Singer(s): Mehdi Hasan
- Music Director: Niaz Ahmed
- Lyricist: Farhat Shahzad
- Actors/Actresses:
- Year/Decade: 1984, 1980s
View: Plain Text, हिंदी Unicode, image
dekhanaa unakaa kanakhiyo.n se idhar dekhaa kiye
apanii aah-e-kam-asar kaa ham-asar dekhaa kiye
jo ba-jaahir hamase sadiyo.n kii musaafat-bar rahe
ham unhe.n har gaam apanaa hamasafar dekhaa kiye
lamhaa lamhaa waqt kaa sailaab cha.Dhataa hii gayaa
raftaa raftaa Duubataa ham apanaa ghar dekhaa kiye
ko_ii kyaa jaane ke kaise ham bharii barasaat me.n
nazar-e-aatish apane hii dil kaa nagar dekhaa kiye
sun ke wo 'shahazaad' ke asha_aar sar dhunataa rahaa
thaam kar ham dono.n haatho.n se jigar dekhaa kiye