beTaa apanii maa.N se kabhii ruuTh bhii jaa_e
maa.N apane beTe se kabhii ruuThatii nahii.n
duniyaa kaa har ba.ndhan shaayad TuuT bhii jaa_e
mamataa kii Dorii to kabhii TuuTatii nahii.n
beTaa apanii maa.N se ...

tuune hii sikhalaayaa mujhe muskuraanaa
kaise kahaa.n se siikhaa tuune ruuTh jaanaa
bhuul hu_ii hai mujhase mujhe maaf kar de
phir naa karuu.ngii galatii i.nsaaf kar de
beTaa apanii maa.N se ...

maa.N kii baaho.n me.n saaraa sa.nsaar hotaa hai
maa.N kii aa.Nkho.n me.n to bas pyaar hotaa hai
duniyaa jalatii dhuup hai maa.N kaa aa.nchal hai chhaayaa
vo kismat vaalaa hai jisane maa.N ko hai paayaa
beTaa apanii maa.N se ...