Browse songs by

banegii aashaa ik din ... kaahe ko roye

Back to: main index
View: Plain Text, हिंदी Unicode, image

banegii aashaa ik din terii ye niraashaa

kaahe ko roye, chaahe jo hoye
safal hogii terii aaraadhanaa
kaahe ko roye ...

aa.Nkhe terii kaahe naadaan
chhalak gayii gaagar samaan
samaa jaaye is me.n tuufaan
jiyaa teraa saagar samaan
jaane kyo.n tuune yuu.N
asuvan se nain bhigoye
kaahe ko roye ...

kahii.n pe hai sukh kii chhaayaa
kahii.n pe hai dukho.n kaa dhuup
buraa bhalaa jaisaa bhii hai
yahii to hai bagiyaa kaa ruup
phuulo.n se, kaa.nTo.n se
maalii ne haar piroye
kaahe ko roye ...

diyaa TuuTe to hai maaTii
jale to ye jyoti bane
aa.Nsuu bahe to hai paanii
ruke to ye motii bane
ye motii aa.Nkho.n kii
puu.Njii hai ye na khoye
kaahe ko roye ...

Comments/Credits:

			 % Transliterator: K Vijay Kumar
		     
View: Plain Text, हिंदी Unicode, image