ra: baad muddat ke yah gha.Dii aa_ii
aap aae to zi.ndagii aa_ii
ishq mar marake kaamayaaB huaa
aaj ek zarraa aaftaab huaa

su: shukriyaa ai huzuur aane kaa
vaqt jaagaa gariib-khaane kaa
ek zamaane ke baad iid huii
iid se pahale merii diid huii

ra: iid kaa chaa.Nd aaj dekhaa hai
iid kaa kyo.n na aitabaar aae
haath uThaakar duaa yah karataa huu.N
iid phir aisii baar-baar aae

din zamaane kaa raat apanii hai
is gha.Dii qaayanaat apanii hai
ishq par husn kii inaayat hai
mere pahaluu me.n merii jannat hai

su: faasale vaqt ne miTaa hii diye
dil ta.Dapate hue milaa hii diye
kaash is vaqt maut aa jaae
zi.ndagaanii pe aake chhaa jaae

dono.n: baat muddat ke ...