aaraam hai haraam
tum desh ke kone-kone me.n pahu.Nchaa do ye paiGaam
aaraam hai haraam ...

dekho pa.De hai.n desh me.n ab tak kitane kaam adhuure
milakar haath ba.Dhaa_o tabhii ho sakate hai.n puure
jaa_o ek ho jaa_o is desh ko swarg banaa_o
bhaarat kaa ho is duniyaa me.n sabase uu.Nchaa naam
aaraam hai haraam ...

jaat-paat ke bandhan to.Do uu.Nch-niich ko chho.Do
na_e samay se na_e jagat se apanaa naataa jo.Do
badalaa Dha.ng puraanaa hai nayaa zamaanaa hai
aisaa karo saveraa jisakii kabhii na aa_e shaam
aaraam hai haraam ...

kabhii kisii ke aage na jholii phailaanaa
chaahe ruukhii-suukhii hii haatho.n se kamaakar khaanaa
yahii hai aan tumhaarii yahii jaan tumhaarii
jisame.n apanaa sar jhukataa ho karo na aisaa kaam
aaraam hai haraam ...