Browse songs by

zulm karane se buraa hai ... bas pyaar rahegaa

Back to: main index
View: Plain Text, हिंदी Unicode, image

zulm karane se buraa hai zulm sahan karanaa
Dar ke jiine se achchhaa hai saamane la.Dake maranaa
naa zulm naa zaalim kaa adhikaar rahegaa
duniyaa me.n kuchh rahegaa to bas pyaar rahegaa

uThaa ke mil ke nii.nd se tum sabako jagaa do
is haath se us haath ko tum saath milaa do
sachchaa_ii se tum jhuuTh kii buniyaad hilaa do
aur vaqt kii aavaaz se aavaaz milaa do
janataa ke haath me.n hii ikhtiyaar rahegaa
duniyaa me.n kuchh rahegaa ...

naa aadamii kaa aadamii gulaam rahegaa
naa siinaa jorii aur naa i.ntakaam rahegaa
bure kaa naa aaGaaz naa a.njaam rahegaa
jo baakii rahaa to Kudaa kaa naam rahegaa
Kudaa kaa naam rahaa to sa.nsaar rahegaa
duniyaa me.n kuchh rahegaa ...

View: Plain Text, हिंदी Unicode, image