Browse songs by

tuu mere pyaar kaa phuul hai

Back to: main index
View: Plain Text, हिंदी Unicode, image

(tuu mere pyaar kaa phuul hai ke merii bhuul hai
kuchh kah nahii.n sakatii
par kisii kaa kiyaa tuu bhare
ye sah nahii.n sakatii) - 2

(merii badanaamii tere saath palegii, saath palegii
sun sun taane merii kokh jalegii, haay, kokh jalegii) - 2
kaa.NTo.n bhare hai.n sab raaste tere vaaste
jiivan kii Dagar me.n
kaun banegaa teraa aasaraa bedard nagar me.n

tuu mere pyaar kaa phuul hai ke merii bhuul hai
kuchh kah nahii.n sakatii
par kisii kaa kiyaa tuu bhare
ye sah nahii.n sakatii

(puuchhegaa ko_ii to kise baap kahegaa, baap kahegaa
jag tujhe phe.nkaa hu_aa paap kahegaa, haaye, paap kahegaa) - 2
banake rahegii sharmindagii terii zi.ndagii
jab tak tuu jiyegaa
aaj pilaauu.n tujhe duudh mai.n, kal zahar piyegaa

tuu mere pyaar kaa phuul hai ke merii bhuul hai
kuchh kah nahii.n sakatii
par kisii kaa kiyaa tuu bhare
ye sah nahii.n sakatii

Comments/Credits:

			 % Transliterator: Hrishi Dixit 
% Date: October 26, 1999
% Comments: Geetanjali series
		     
View: Plain Text, हिंदी Unicode, image