Browse songs by

tuu chhupii hai kahaa.N

Back to: main index
View: Plain Text, हिंदी Unicode, image

aa: aa
ma: tuu chhupii hai kahaa.N mai.n ta.Dapataa yahaa.N
tere bin phiikaa phiikaa hai dil kaa jahaa.N
chhupii hai kahaa.N mai.n ta.Dapataa yahaa.N
tuu gayaa u.D gayaa ra.ng jaane kahaa.N
tere bin phiikaa phiikaa hai dil kaa jahaa.N
chhupii hai kahaa.N mai.n ta.Dapataa yahaa.N

aa: dil kii mahafil me.n jab naa mujhe tum mile
saa.Ns letii huu.N aa ke is sunasaan me.n
in bahaaro.n me.n jab naa tujhe paa sakii -2
to ta.Dapatii huu.N aa ke is viiraan me.n
tere bin phiikaa phiikaa hai dil kaa jahaa.N
ma: chhupii hai kahaa.N mai.n ta.Dapataa yahaa.N

aa: ye nazare.n diiwaanii tuu kho_ii hu_ii
tere ra.ngiin sapano.n ke ra.ngo.n me.n
uma.ngo.n me.n jab naa tujhe paa sakii -2
Dhuu.NDhatii huu.N mai.n Gam kii tara.ngo.n me.n
tere bin phiikaa phiikaa hai dil kaa jahaa.N
ma: chhupii hai kahaa.N mai.n ta.Dapataa yahaa.N
tuu chhupii hai kahaa.N
chhupii hai kahaa.N
chhupii hai kahaa.N

aa: mai.n chhupii huu.N piyaa terii palakan me.n
terii dha.Dakan me.n, terii har saa.N me.n,
terii har aas me.n
mai.n chhupii huu.N kahaa.N meraa ye raaz sun
dard ke haatho.n Gam se bharaa saaz sun
mere rote huye dil kii aawaaz sun

aa: jab talak teraa meraa na hogaa milan
mai.n zamii.n aasamaa.N ko hilaatii rahuu.Ngii
aaKirii aas tak aaKirii saa.Ns tak
Kud ta.Dapuu.Ngii aur ta.Dapaatii rahuu.Ngii

ma: ye kaun ghuu.Ngharuu jhamakaa
ye kaun chaa.Nd chamakaa
ye dharatii pe aasamaan aa gayaa puunam kaa
ye kaun phuul mahakaa
ye kaun pa.Nchhii chahakaa
mahafil me.n kaisii Kushbuu u.Dii dil jo meraa bahakaa
lo tan me.n jaan aa_ii, ho.nTho.n pe taan aa_ii
merii chakorii chaa.Ndanii me.n kar ke snaan aa_ii
bichha.Daa wo miit aayaa, jiiwan kaa giit aayaa
do aatmaa_o.n ke milan kaa din puniit aayaa
suurat hai mere sapano.n kii tuu sohanii
jamanaa tuu hii hai tuu hii merii mohanii
tere bin phiikaa phiikaa hai dil kaa jahaa.N
chhupii hai kahaa.N mai.n ta.Dapataa yahaa.N
tuu chhupii hai kahaa.N
chhupii hai kahaa.N
chhupii hai kahaa.N

View: Plain Text, हिंदी Unicode, image