Browse songs by

shabanam kyuu.N niir bahaaye - Ishara

Back to: main index
View: Plain Text, हिंदी Unicode, image

shabanam kyuu.N niir bahaaye -2
duniyaa soye
aur ye roye jaaye
shabanam kyuu.N niir bahaaye

jaise niradhan ke rone par -2
ha.Nsate hai.n dhanavaan
vaise shabanam ke rone par -2
kaliyo.n kii musakaan
shabanam roye
kaliyo.n kaa mu.Nh dhoye
( apanii jaan ga.Nvaa kar pagalii
jag me.n phuul khilaaye ) -2
shabanam kyuu.N niir bahaaye -2

muurakh hai.n jo chaar gha.Dii ke -2
jiiwan par itaraate hai.n
ha.nsate phuulo.n ko dekho jo -2
khilate hii murajhaate hai.n
shabanam roye
muurakh gaafil soye
( ro-ro ke shabanam is jhuuThe
jag kaa bhed bataaye ) -2
shabanam kyuu.N niir bahaaye -2

Comments/Credits:

			 % Credits: This lyrics were printed in Listeners' Bulletin Vol #120 under Geetanjali #110
		     
View: Plain Text, हिंदी Unicode, image