Browse songs by

shaam Dhale to ... aaj bhii suuraj Duub gayaa hai

Back to: main index
View: Plain Text, हिंदी Unicode, image

shaam Dhale to pa.nkh pakheruu
lauT ke ghar aa jaa_e
jinake saajan paas naa ho vo
asu_an diip jalaa_e

aaj bhii suuraj Duub gayaa hai
aaj bhii tum nahii.n aa_e
man ko jhuuThii aas dilaake
Dhal ga_e shaam ke saa_e
aaj bhii suuraj Duub gayaa hai
aaj bhii tum nahii.n aa_e

pal-pal saarii rain guzaaruu.N
Cham-Cham niir baahaake
har aahaT par tumako pukaaruu.N
saajan mai.n ghabaraake
kaise-kaise sapane mujhako
paagal man dikhalaa_e
aaj bhii suuraj Duub gayaa hai
aaj bhii tum nahii.n aa_e

jab-jab aa_e yaad tumhaarii
ik pal chain naa paa_uu.N
ba.nd naa ho.nge nain jharokhe
chaahe mai.n mar jaa_uu.N
baiThii rahuu.Ngii raah me.n yuu.N hii
pyaase nain biChaa_e
aaj bhii suuraj Duub gayaa hai
aaj bhii tum nahii.n aa_e

Comments/Credits:

			 % Transliterator: Pulkit Sharma
% Date: 21 Dec 2004
% Series: Noor-E-Tarannum
% generated using giitaayan
		     
View: Plain Text, हिंदी Unicode, image