Browse songs by

raat bhii hai kuchh bhiigii\-bhiigii

Back to: main index
View: Plain Text, हिंदी Unicode, image

raat bhii hai kuchh bhiigii-bhiigii
chaa.Nd bhii hai kuchh maddham-maddham
tum aao to aa.Nkhe.n khole.n
soii huii paayal kii chham chham

kisako bataae.n kaise bataae.n
aaj ajab hai dil kaa aalam
chain bhii hai kuchh halkaa halkaa
dard bhii hai kuchh maddham maddham
chham-chham, chham-chham, chham-chham, chham-chham

tapate dil par yuu.n giratii hai
terii nazar se pyaar kii shabanam
jalate hue ja.ngal par jaise
barakhaa barase ruk-ruk tham-tham
chham-chham, chham-chham, chham-chham, chham-chham

hosh me.n tho.Dii behoshii hai
behoshii me.n hosh hai kam kam
tujhako paane kii koshish me.n
dono.n jahaa.N se kho gae ham
chham-chham, chham-chham, chham-chham, chham-chham, raat ...

Comments/Credits:

			 % Transliterator: Ravi Kant Rai (rrai@ndsun.cs.ndsu.nodak.edu)
% Credits: Preetham Gopalaswamy (preetham@src.umd.edu)
% Editor: Anurag Shankar (anurag@astro.indiana.edu)
		     
View: Plain Text, हिंदी Unicode, image