Browse songs by

mujhe de ke may mere saaqiyaa, merii tashnagii ko - - Shobha Gurtu

Back to: main index
View: Plain Text, हिंदी Unicode, image

mujhe deke may mere saaqiyaa, merii tashnagii ko havaa na de
merii pyaas par bhii to kar nazar, mujhe maikashii kii sazaa na de

meraa saath ai mere hamasafar, nahii.n chaahataa hai to jaam de
magar is tarah sar-e-raah-e-guzar, mujhe har qadam pe sadaa na de

meraa Gam na kar, mere chaaraagar, terii chaaraajoii bajjaa magar (???)
meraa dard hai merii zi.ndagii, mujhe dard-e-dil kii davaa na de

mai.n vahaa.N huu.N ab meraa naasehaa, ki jahaa.N Kushii kaa guzar nahii.n
meraa Gam hado.n se guzar gayaa, mujhe ab Kushii kii duaa na de

voh giraae.n shauq se bijaliyaa.N, yah sitam karam hai.n satam nahii.n
ke voh 'tarz' barq-e-jafaa nahii.n, jo chamak ke nuur-e-vafaa na de

Comments/Credits:

			 % Transliterator: Rajiv Shridhar 
% Date: 10/26/1996
		     
View: Plain Text, हिंदी Unicode, image