Browse songs by

mai.n ye sochakar usake dar se uThaa thaa

Back to: main index
View: Plain Text, हिंदी Unicode, image

mai.n ye sochakar usake dar se uThaa thaa
ke vo rok legii manaa legii mujhako

havaao.n me.n laharaataa aataa thaa daaman
ke daaman paka.Dakar biThaa legii mujhako

kadam aise a.ndaaz se uTh rahe the
ke aavaaz dekar bulaa legii mujhako

magar usane rokaa
na usane manaayaa
na daaman hii paka.Daa
na mujhako biThaayaa
na aavaaz hii dii
na vaapas bulaayaa

mai.n aahistaa aahistaa ba.Dhataa hii aayaa
yahaa.N tak ke usase judaa ho gayaa mai.n ...

Comments/Credits:

			 % Credits: Satish V. Maruvada (maruvada@cup.hp.com)
% Editor:
		     
View: Plain Text, हिंदी Unicode, image