Browse songs by

mai.n pal do pal kaa shaayar huu.N ... mai.n har ek pal kaa

Back to: main index
View: Plain Text, हिंदी Unicode, image

mai.n pal do pal kaa shaayar huu.N
pal do pal merii kahaanii hai
pal do pal merii hastii hai
pal do pal merii javaanii hai
mai.n pal do pal kaa shaayar huu.N ...

mujhase pahale kitane shaayar
aae aur aakar chale gae
kuchh aahe.n bhar kar lauT gae
kuchh naGame gaakar chale gae
vo bhii ek pal kaa kissaa thaa
mai.n bhii ek pal kaa kissaa huu.N
kal tumase judaa ho jaauu.Ngaa
vo aaj tumhaaraa hissaa huu.N
mai.n pal do pal kaa shaayar huu.N ...

kal aur aae.nge naGamo.n kii
khilatii kaliyaa.N chunane vaale
mujhase behatar kahane vaale
tumase behatar sunane vaale
kal koii mujhako yaad kare
kyuu.N koii mujhako yaad kare
masaruuf zamaanaa mere liye
kyuu.N vaqt apanaa barabaad kare
mai.n pal do pal kaa shaayar huu.N ...

% Part 2:

mai.n har ik pal kaa shaayar huu.N
har ik pal merii kahaanii hai
har ik pal merii hastii hai
har ik pal merii javaanii hai
mai.n har ik pal kaa shaayar huu.N

rishto.n kaa ruup badalataa hai, buniyaade.n khatm nahii.n hotii.n
Kvaabo.n aur uma.Ngo.n kii miyaade.n khatm nahii.n hotii.n
ik phuul me.n teraa ruup basaa, ik phuul me.n merii javaanii hai
ik cheharaa terii nishaanii hai, ik cheharaa merii nishaanii hai
mai.n har ik ...

tujhako mujhako jiivan amrit ab in haatho.n se piinaa hai
inakii dha.Dakan me.n basanaa hai, inakii saa.Nso.n me.n jiinaa hai
tuu apanii adaae.n baksh inhe.n, mai.n apanii vafaae.n detaa huu.N
jo apane lie sochii.n thii kabhii, vo saarii duaae.n detaa huu.N
mai.n har ik ...

Comments/Credits:

			 % Transliterator: Venkatasubramanian K G (gopala@cs.wisc.edu)
% 	Rajiv Shridhar 
% Credits: rec.music.indian.misc 
% Editor: Anurag Shankar (anurag@astro.indiana.edu)
% Date: 04/15/1997
		     
View: Plain Text, हिंदी Unicode, image