Browse songs by

mai.n gaauu.N tum so jaao

Back to: main index
View: Plain Text, हिंदी Unicode, image

mai.n gaauu.N tum so jaao
sukh sapano.n me.n kho jaao
maanaa aaj kii raat hai lambii
maanaa din thaa bhaarii
par jag badalaa badalegii
ek din taqadiir hamaarii
us din ke khvaab sajaao

kal tum jab aa.Nkhe.n khologe
jab hogaa ujiyaaraa
khushiyo.n kaa sandeshaa lekar
aaegaa saveraa pyaaraa
mat aas ke diip bujhaao,
mai.n gaaU.N ...

jii karataa hai jiite jii
mai.n yU.N hii gaataa jaaU.n
gardish me.n thake haatho.n kaa
maathaa sahalaataa jaauu.n
phir ik din tum doharaao,
sukh sapano.n ...

Comments/Credits:

			 % Transliterator: Ravi Kant Rai (rrai@ndsun.cs.ndsu.nodak.edu)
% Editor: Anurag Shankar (anurag@astro.indiana.edu)
		     
View: Plain Text, हिंदी Unicode, image