Browse songs by

maa.Ng me.n bhar le ra.ng sakhii rii

Back to: main index
View: Plain Text, हिंदी Unicode, image

##[hysterical giggling]##

maa.Ng me.n bhar le ra.ng sakhii rii
aa.Nchal bhar le taare, milan R^itu aa ga_ii
jaaegii tuu un sa.ng sakhii rii
jo tohe laage pyaare, milan R^itu aa ga_ii
milan R^itu aa ga_ii ...

koii chaa.Ndii ke rath me.n aayaa hai
mere baabul, mere baabul kii raajadhaanii me.n
mai.n use dekhatii huu.N chhup-chhup kar
ek halachal sii hai jawaanii me.n
ta.Dake ik-ik a.ng sakhii rii
aaj Kushii ke maare, milan R^itu aa ga_ii
milan R^itu aa ga_ii ...

surK chuu.Daa hai merii baaho.n me.n
surK jo.Daa mere badan par hai
sab kii nazare.n hai.n mere chahare par
aur merii nazar sajan par hai
machalii jaae uma.ng sakhii rii
dha.Dakan kare ishaare, milan R^itu aa ga_ii
milan R^itu aa ga_ii ...

merii Dolii sajaa rahe hai.n kahaar
phuul bikhare hue hai.n raaho.n me.n
jinakii baaho.n kii aarazuu thii mujhe
jaa rahii huu.N mai.n unakii baaho.n me.n
a.nganaa laage ta.ng sakhii rii
piyaa jab baa.Nh pasaare, milan R^itu aa ga_ii
milan R^itu aa ga_ii ...

Comments/Credits:

			 % Transliterator: Surajit A. Bose
% Date: October 18, 2002
% Comments: GEETanjali series
		     
View: Plain Text, हिंदी Unicode, image