Browse songs by

kuchh aur zamaanaa kahataa hai

Back to: main index
View: Plain Text, हिंदी Unicode, image

kuchh aur zamaanaa kahataa hai, kuchh aur hai zidd mere dil kii
mai.n baat zamaane kii maanuu.N, yaa baat sunuu.N apane dil kii
kuchh aur zamaanaa kahataa hai ...

duniyaa ne hame.n berahamii se
Thukaraa jo diyaa, achchhaa hii kiyaa
naadaan ham samajhe baiThe the
nibhatii hai yahaa.N dil se dil kii
kuchh aur zamaanaa kahataa hai ...

inasaaf, muhabbat, sachchaa_ii
vo raham-o-qaram ke dikhalaave
kuchh kahate zubaa.N sharamaatii hai
puuchho na jalan mere dil kii
kuchh aur zamaanaa kahataa hai ...

go bastii hai insaano.n kii
insaan magar Dhuu.NDhe na milaa
patthar ke buto.n se kyaa kiije
fariyaad bhalaa TuuTe dil kii
kuchh aur zamaanaa kahataa hai ...

Comments/Credits:

			 % Transliterator: K Vijay Kumar
		     
View: Plain Text, हिंदी Unicode, image