Browse songs by

kuchh aise bhii pal hote hai.n - - Manna Dey

Back to: main index
View: Plain Text, हिंदी Unicode, image

kuchh aise bhii pal hote hai.n
jab raat ke gahare sannaaTe gaharii sii nii.nd me.n sote hai.n
tab musakaano ke dard yahaa.N baccho.n kii tarah se rote hai.n

jab chhaa jaatii hai Kaamoshii tab shor machaatii hai dha.Dakan
ik melaa jaisaa lagataa hai bikharaa bikharaa ye suunaapan
yaado.n ke saa_e aise me.n karane lagate hai.n aali.ngan
chubhane lagataa hai saa.Nso.n me.n bikhare sapano.n kaa har darpan
phir bhii jaage ye do nainaa sapano.n kaa bojh sa.njote hai.n

yuu.n hii har raat pighalatii hai yuu.n hii har din Dhal jaataa hai
har saa.njh yuu.n hii ye birahii man patajha.D me.n phuul khilaataa hai
aakhir ye kaisaa bandhan hai aakhir ye kaisaa naataa hai
jo ju.D to gayaa anajaane me.n par TuuT nahii.n ab paataa hai
aur ham ulajhe is bandhan me.n din raat ye nain bhigote hai.n

Comments/Credits:

			 % Transliterator: Uday Patel, 2003-02-10
		     
View: Plain Text, हिंदी Unicode, image