Browse songs by

kisii kii muskuraahaTo.n pe ho nisaar

Back to: main index
View: Plain Text, हिंदी Unicode, image

kisii kii muskuraahaTo.n pe ho nisaar
kisiikaa dard mil sake to le udhaar
kisiike vaaste ho tere dil me.n pyaar
jiinaa isii kaa naam hai
kisii kii ...

(maanaa apanii jeb se fakiir hai.n
phir bhii yaaro.n dil ke ham amiir hai.n ) - (2)
miTe jo pyaar ke liye vo zindagii
jale bahaar ke liye vo zindagii
kisii ko ho na ho hame.n to aitabaar
jiinaa isii kaa naam hai

(rishtaa dil se dil ke aitabaar kaa
zindaa hai hamii.n se naam pyaar kaa ) - (2)
ke mar ke bhii kisii ko yaad aaye.nge
kisii ke aa.Nsuo.n me.n muskuraaye.nge
kahegaa phuul har kalii se baar baar
jiinaa isii kaa naam hai

Comments/Credits:

			 % Credits: rec.music.indian.misc (USENET newsgroup) 
%          Venkat Gopalakrishnan (gopala@martin.cs.wisc.edu)
%          C.S. Sudarshana Bhat (ceindian@utacnvx.uta.edu)
% Editor: Anurag Shankar (anurag@astro.indiana.edu)
		     
View: Plain Text, हिंदी Unicode, image