Browse songs by

karavaTe.n badalate rahe saarii raat ham

Back to: main index
View: Plain Text, हिंदी Unicode, image

karavaTe.n badalate rahe saarii raat ham, aap kii qasam
Gam na karo din judaa_ii ke bahut hai.n kam, aap kii qasam

yaad tum aate rahe ik huuq sii uThatii rahii
nii.nd mujhase, nii.nd se mai.n bhaagatii chhupatii rahii
raat bhar bairan nigo.Dii chaa.Ndanii chubhatii rahii
aag sii jalatii rahii, giratii rahii shabanam, aap kii qasam ...

jhiil kee aa.Nkho.n me.n aashiq Duub ke kho jaayegaa
zulf ke saaye me.n dil naGamaa bharaa so jaayegaa
tum chale jaao nahii.n to kuchh na kuchh ho jaayegaa
Dagamagaa jaaye.nge aise haal me.n qadam, aap kii qasam ...

ruuTh jaaye.n ham to tum hamako manaa lenaa sanam
duur ho.n to paas hamako tum bulaa lenaa sanam
kuchh gilaa ho to gale hamako lagaa lenaa sanam
TuuT na jaaye kabhii ye pyaar kii qasam, aap kii qasam ...

Comments/Credits:

			 % Transliterator: K Vijay Kumar
		     
View: Plain Text, हिंदी Unicode, image