Browse songs by

jhuuTh kaa diipak kabhii na jalataa

Back to: main index
View: Plain Text, हिंदी Unicode, image

jhuuTh kaa diipak kabhii na jalataa sach kii jyot amar hai
tere man me.n khoT nahii.n to tujhako kisakaa Dar hai

saa.Nch ko aa.Nch nahii.n pyaare phir himmat kyo.n haare
sadaa sach bol are inasaan ki sach ko hii kahate hai.n bhagavaan
saa.Nch ko aa.Nch ...

parvat ko naa haTate dekhaa dariyaa ko naa rukate
jo sachche hai.n unako hamane kabhii naa dekhaa jhukate
tuu bhii sach kaa rakh le maan ki sach ko hii kahate hai.n bhagavaan
saa.Nch ko aa.Nch ...

vo hii sukh paate hai.n jag me.n aa_e jinhe.n dukh sahanaa
siikh le tuu phuulo.n se kaa.NTo.n me.n bhii ha.Nsate rahanaa
sachchaa rastaa tuu pahachaan ki sach ko hii kahate hai.n bhagavaan
saa.Nch ko aa.Nch ...

raat ho kitanii lambii phir bhii suuraj to aa_egaa
aakhir jiit to hogii sach kii jhuuTh na phal paa_egaa
kah ga_e baat ye log mahaan ki sach ko hii kahate hai.n bhagavaan
saa.Nch ko aa.Nch ...

View: Plain Text, हिंदी Unicode, image