Browse songs by

itanaa na mujhase tuu pyaar ba.Dhaa

Back to: main index
View: Plain Text, हिंदी Unicode, image

ta:
itanaa na mujhase tuu pyaar ba.Dhaa
ke mai.n ek baadal aavaaraa
kaise kisii kaa sahaaraa banuu.N
ke mai.n khud beghar bechaaraa
itanaa na...

ta:
mujhe ek jagah aaraam nahii.n
ruk jaanaa meraa kaam nahii.n
meraa saath kahaa.N tak dogii tum
mai desh videsh kaa ba.njaaraa

la :
is liye tujhase pyaar karuu.n
ke tU ek baadal Avaaraa
janam janam se huu.N saath tere
ke naam meraa jal kii dhaaraa

la:
o niil gagan ke diivaane
tuu pyaar na meraa pahachaane
mai.n tab tak saath chaluu.N tere
jab tak na kahe tuu mai.n haaraa

ta:
kyuu.N pyaar me.n tuu naadaan bane
ik baadal kaa aramaan bane
meraa saath kahaa.N tak dogii tum
mai.n des-bides kaa ba.njaaraa
itanaa na...

% The slower/sad version by Talat
ta:
madahosh hameshaa rahataa huu.N
khaamosh huu.N kab kuchh kahataa huu.N
koii kyaa jaane mere siine me.n
hai bijalii kaa bhii a.ngaaraa

ta:
aramaan thaa gulashan par barasuu.N
ek shokh ke daaman par barasuu.N
afasos jalii miTTii pe mujhe
taqadiir ne merii de maaraa
itanaa na...

Comments/Credits:

			 % Credits: C. S. Sudarshana Bhat (cesaa129@utacnvx.uta.edu)
% Editor: Anurag Shankar (anurag@astro.indiana.edu)
		     
View: Plain Text, हिंदी Unicode, image