Browse songs by

hamane dekhii hai un aa.Nkho.n kii mahakatii Kushbuu

Back to: main index
View: Plain Text, हिंदी Unicode, image

hamane dekhii hai un aa.Nkho.n kii mahakatii Kushabuu
haath se chhuu ke ise rishto.n kaa ilzaam na do
sirf ehasaas hai ye ruuh se mahasuus karo
pyaar ko pyaar hii rahane do koii naam na do
hamane dekhii hai un aa.Nkho.n kii mahakatii Kushabuu
haath se chhuu ke ise rishto.n kaa ilzaam na do
hamane dekhii hai

pyaar koii bol nahii.n, pyaar aavaaz nahii.n
ek Kaamoshii hai sunatii hai kahaa karatii hai
na ye bujhatii hai na rukatii hai na Thaharii hai kahii.n
nuur kii buu.Nd hai sadiyo.n se bahaa karatii hai

sirf ehasaas hai ye ruuh se mahasuus karo
pyaar ko pyaar hii rahane do koii naam na do
hamane dekhii hai un aa.Nkho.n kii mahakatii Kushabuu
haath se chhuu ke ise rishto.n kaa ilzaam na do
hamane dekhii hai

muskuraahaT sii khilii rahatii hai aa.Nkho.n me.n kahii.n
aur palako.n pe ujaale se jhuke rahate hai.n
ho.nTh kuchh kahate nahii.n, kaa.Npate ho.nTho.n pe magar
kitane Kaamosh se afasaane ruke rahate hai.n

sirf ehasaas hai ye ruuh se mahasuus karo
pyaar ko pyaar hii rahane do koii naam na do
hamane dekhii hai un aa.Nkho.n kii mahakatii Kushabuu
haath se chhuu ke ise rishto.n kaa ilzaam na do
hamane dekhii hai

Comments/Credits:

			 % Transliterator: Arati Deo (arati@rice.edu)
% Credits: Sandip Joshi (sjoshi@eng.clemson.edu)
		     
View: Plain Text, हिंदी Unicode, image