Browse songs by

Gariibo.n kaa pasiinaa bah rahaa hai

Back to: main index
View: Plain Text, हिंदी Unicode, image

gariibo.n kaa pasiinaa bah rahaa hai -2
ye paanii bahate-bahate kah rahaa hai -2
kabhii vo din bhii aa_egaa ye paanii ra.ng laa_egaa -2
gariibo.n kaa pasiinaa ...

ye buu.nde.n dekh lenaa ek din tuufaan laa_e.Ngii
zamii.n to hai zamii.n ye aasamaa.N ko bhii hilaa_e.Ngii
gariibo.n ke gharo.n tak chal ke khud bhagavaan aa_egaa
ye paanii ra.ng laa_egaa ...

sitam kaa had se ba.Dh jaanaa tabaahii kii nishaanii hai
badalate hai.n sabhii ke din puraanii ye kahaanii hai
zamaanaa ek din girate hu_o.n ko uThaa_egaa
ye paanii ra.ng laa_egaa ...

agar jal kar kisii majabuur ne fariyaad kar Daalii
to qudarat ke Kazaane dekhanaa ho jaa_e.Nge khaalii
zamii.n phaT jaa_egii suuraj kaa golaa TuuT jaa_egaa
kabhii vo din bhii aa_egaa ...

View: Plain Text, हिंदी Unicode, image