Browse songs by

ek bholii\-bhaalii gaa.Nv kii raanii - - Hemant

Back to: main index
View: Plain Text, हिंदी Unicode, image

ek bholii-bhaalii gaa.Nv kii raanii
jisakii kahaanii
aa_o sunaaye.n
suno

pake dhaan kaa khet kha.Daa
balakhaa khaa ke laharaaye
o.Dh chunariyaa hariyaalii kii
dharatii hai muskaaye
wahaa.N banii ek sundar kuTiyaa
mahalo.n ko sharmaaye
usme.n rahatii ek matawaalii
sundar raanii
jisakii kahaanii
aa_o sunaaye.n
suno

kuTiyaa hii sab kuchh hai usakii
kuTiyaa hii sab kuchh hai wo
aate-jaate raahii paate
aage ba.Dhane kii himmat ko
gaa.Nv kii raanii piyaa ke path me.n
baiThii bichhaaye aa.Nkho.n ko
saa.Njh diip ne milaa diye
aur dekh rahaa is madhur-milan ko
aisii gaa.Nv kii raanii
jisakii kahaanii
aa_o sunaaye.n
suno

nii.nd parii ke jaaduu ne jab
luTaa diye sapane anamol
lagii luuTane saarii duniyaa
apanii man-mastii me.n Dol
par haay vidhaataa ruup badal kar
gaa.Nv ke aa.Ngan aa_ii
bholii-bhaalii mukha.Daa dekh
apane aap se voh sharamaa_ii
jo kuchh karanaa thaa karanaa
aur chillaa uThii jaag ke duniyaa
kaal par gayaa kaal
kaal par gayaa kaal

Daakan-jogan aa_ii pishaachan
chhaa_ii ghaTaae.n kaali-kaalii re
maut ke saaz pe pralay raaginii
baaj rahii matawaalii re
milaa Kaaq me.n gaa.Nv salonaa
Gam ne manaa_ii diiwaalii re
shaanti ga_ii sukh-chain gayaa
sone se bharaa saa wo khet gayaa
Daakan-jogan aa_ii pishaachan
chhaa_ii ghaTaae.n kaali-kaalii re

kahaa.N ga_ii wo saa.Njh suhaanii
kahaa.N paxio.n kaa gaanaa
kahaa.N gayaa wo madhur-milan
aur kahaa.N Kushii se bharaa zamaanaa

kyuu.N uge ho ab chaa.Nd salone
kyaa lene ab aaye sitaare
chale gaye wo chho.D ke duniyaa
jinako the tum ba.De hii pyaare

har gaa.Nv kii TuuTii diiware.n
kahatii hai.n aaj kahaanii
merii god me.n banii samaadhi
kitanii kuTiyaa kitanii raanii

Comments/Credits:

			 % Transliterator: V S Rawat, Jan 27,  2004
% Credits: Prithviraj Dasgupta

% A basic (non-film) song based on the Bengali song
% 'gaa.Nyer badhuu' written and composed by SalilC.
% I (Prithviraj) think HemantK improvised the music a bit.
% Year 1948 is approximate. It was surely after the Bengali
% song that was released in 1948. The only hope of
% ascribing the year certainly is by checking the 78 rpm
% disc no. GE ****
		     
View: Plain Text, हिंदी Unicode, image